2022-ci ildən bəri, əfsanəvi Kriştiano Ronaldonun adını daşıyan Çivava-Daksaund qarışığı olan Ronaldo internetdə populyarlıq qazanıb. Bir çox istifadəçi onun ləqəbinə uyğun olduğuna inanır.
Sfera.az bildirir ki, sahibləri ev heyvanlarının topa olan marağını görəndə ona futbol superulduzu kimi qol vurmağı öyrətməyə çalışıblar. Lakin o, qol vurmaqla maraqlanmırdı, əksinə topu dişləri ilə tutmağı sevirdi, buna görə də Ronaldo qapıçı olub.
2022-ci ildən bəri balaca Ronaldonun videoları internetdə milyonlarla baxış toplayıb. Kadrlarda itin qapını qorumaq üçün məharətlə qaçdığı, tullandığı və sürüşdüyü göstərilir.
ABŞ, Meksika və Kanadada keçiriləcək Dünya Kuboku ərəfəsində itlər futbolun qeyd edilməsində fəal iştirak edirlər. Futbol geyimində itlər üçün foto müsabiqəsi planlaşdırılır.
"O, futbol toplarına tamamilə aludə olub"-deyə Pensilvaniyada yaşayan Ronaldonun sahibi Kandida Kraveyro deyir.
“Onun futbol oynamaq üçün anadangəlmə istedadı var”.
Balaca Ronaldo 2020-ci ildə it sığınacağından övladlığa götürüldükdə ailəyə qoşulub. Kandida da həyat yoldaşp Antonio kimi, portuqaliyalıdır, ona görə də itə sevimli oyunçularının adını vermək qərarına gəliblər. Ailə futbol fanatıdır.
Kandidanın kürəkəni Sem Katzman Ronaldoya topu qovmağı öyrətməyə çalışdığın deyir.
Bundan əlavə, Ronaldonun futbol oynamağa motivasiya etmək üçün şirniyyatlara ehtiyacı yoxdur. Bunun əvəzinə, o, Sem Katzmanın ayaqqabılarını çöldə gəzdirərək istəyini nümayiş etdirir.
Tədqiqatlar göstərir ki, itlər oyun zamanı beyinlərində ifraz olunan dopamin səbəbindən tez-tez oyuncaqlarına yapışırlar.
Topların əksəriyyəti standart futbol topu ölçüsündədir, lakin itlərin zədələnməsinin qarşısını almaq üçün tam şişirdilmir. Bəzilərində Ronaldonun oyun zamanı tuta biləcəyi xüsusi tutacaqlar var.
Sahibləri ilk dəfə 2022-ci ilin iyun ayında “TikTok”da Ronaldonun videolarını paylaşmağa başlayıblar.
O vaxtdan bəri Ronaldo videoları milyonlarla baxış toplayıb. Oktyabr ayında Lehigh Universitetinin qadın futbol oyununun fasiləsində Amerika futbolunda qol vurma texnikasını nümayiş etdirdikdən sonra onun populyarlığı daha da artıb.
Aynil
