Mağazalardan kreditlə telefon, mebel və digər məhsullar alanların sayı az deyil. Lakin bir çox hallarda kreditin rəsmiləşdirilməsi üçün zamin tələb olunur.


Mövzu ilə bağlı “Yeni Sabah”a danışan hüquqşünas Ramil Süleymanov zaminin borc münasibətlərində rolu və risklərini izah edib:


“Zaminlik müqaviləsi əsas borc münasibətlərində öhdəliyin icrasını təmin edən hüquqi təminat üsullarından biridir və Mülki Məcəlləsi ilə tənzimlənir. Zamin əsas borclu ilə birlikdə öhdəliyin yerinə yetirilməsinə görə məsuliyyət daşıyır. Toyuqlu pizza


Əgər borclu kredit müqaviləsi və ya alqı-satqı müqaviləsi üzrə öhdəliklərini yerinə yetirməzsə, zamin də birbaşa cavabdeh olur və kreditor (məsələn, mağaza və ya kredit təşkilatı) məhkəməyə müraciət etdikdə zaminə qarşı da tələb irəli sürülə bilər.


Zaminlikdə diqqət edilməli əsas məqamlardan biri odur ki, müqavilədə alınan mal və ya xidmət dəqiq göstərilməli, onun dəyəri və zaminliyin hansı konkret öhdəliyə aid olduğu aydın şəkildə müəyyən edilməlidir”.


R.Süleymanov bilidirib ki, zamin borcu ödədikdən sonra həmin məbləği əsas borcludan geri tələb edə bilər:


“Zamin borcu ödədiyi halda, onun əsas borcludan ödədiyi məbləği geri tələb etmək hüququ var. Bu, reqres (geri tələb) hüququdur.


Zaminlik müqaviləsinin ləğvi isə yalnız kreditorun, yəni mağazanın və ya kredit verən təşkilatın razılığı ilə mümkündür”.


Əsmətxanım Rzazadə



Telegram kanalımız