Ermənistanda 7 iyun seçkiləri yaxınlaşdıqca, Rusiyanın iqtisadi təzyiq rıçaqlarından istifadə halları artır.
Sfera.az xəbər verir ki, pomidor, meyvə, tərəvəz, gül, alkoqollu içkilərin ardınca, Rosselxoznadzor (Rusiya Baytarlıq və Fitosanitar Nəzarət üzrə Federal Xidmət) 3 iyun tarixindən etibarən Ermənistandan nar meyvələrinin, badımcanın, kartofun və quru meyvələrin idxalına müvəqqəti məhdudiyyətlər tətbiq edib.
Xidmətin açıqlamasından aydın olur ki, bu dəfə yalnız Rusiyaya idxal deyil, həmin məhsullarıb Rusiya ərazisi vasitəsilə Avrasiya İqtisadi Birliyi üzv dövlətlərinə tranziti də qadağan olunur. Rusiya hakimiyyətinin təzyiq aləti olan Rosselxoznadzor bunu həmin dövlətlər tərəfindən karantin məhsullarının qəbulunu təsdiqləyən mexanizmlərin olmaması ilə əsaslandırır./musavat.com
