Dünyaca məşhur avtomobil şousu "Top Gear"ın əfsanəvi aparıcısı kimi tanınan Ceremi Klarksonda prostat xərçəngi aşkarlanıb.
“Yeni Sabah” xəbər verir ki, Böyük Britaniyanın ən populyar ekran simalarından biri olan 66 yaşlı aparıcı bu bəd xəbəri "Clarkson's Farm" sənədli serialının yeni buraxılışında paylaşıb. Ötən ilin may ayında aparılan müayinələr və keçən həftə reallaşan biopsiyanın nəticəsində ona aqressiv xərçəng növü diaqnozu qoyulub.
Xəstəliyin çox erkən mərhələdə aşkarlandığını bildirən Klarkson, dərhal əməliyyat olunduğunu və prostatının 10 faizinin götürüldüyünü qeyd edib. Erkən diaqnozun əhəmiyyətinə diqqət çəkən ulduz aparıcı, bunun sayəsində həyata ümidlə baxdığını vurğulayıb. O, sosial şəbəkə hesabından da video paylaşaraq izləyicilərini proqramın yeni seriyalarının emosional baxımdan ağır keçəcəyi barədə xəbərdar edib. Pepperoni pizza
Cəlalə Cəlalqızı
Telegram kanalımız
