''Nağd pul xərcləyəndə insan pulu fiziki olaraq əlindən verdiyi üçün bunu daha çox hiss edir. Psixoloqlar bunu "ödəmə ağrısı" adlandırırlar. Kartla ödəniş zamanı isə pul göz önündə olmadığı üçün həmin hiss zəifləyir və alış-veriş daha rahat görünür. Buna görə də insanlar çox vaxt nə qədər xərclədiklərinin fərqinə gec varırlar''.
Bu sözləri “Yeni Sabah”a açıqlamasında Liberal İqtisadçılar Mərkəzinin sədri Akif Nəsirli bildirib.
Onun sözlərinə görə, pulun gözlə görünməməsi xərclərə nəzarəti çətinləşdirir: Dördpendirli pizza
“Nağd pul azaldıqca insan bunu dərhal hiss edir və növbəti alış-veriş barədə daha çox düşünür. Kartla ödəniş zamanı isə balans yalnız tətbiqə baxanda görünür. Bu da planlaşdırılmamış alışların sayını artıra və büdcə limitinin aşılmasına səbəb ola bilər.
Ekspert onu da qeyd edib ki, kartdan istifadə edərkən büdcəni qorumaq üçün aylıq xərc limiti müəyyənləşdirmək faydalıdır:
''Böyük məbləğli alışdan əvvəl bir qədər gözləmək, bonus kampaniyalarına aldanmamaq və imkan daxilində müəyyən məbləği nağd şəkildə xərcləmək də maliyyə intizamını gücləndirməyə kömək edir”.
Cəlalə Cəlalqızı
Telegram kanalımız
