Varlı insanlarla orta təbəqə arasındakı fərq təkcə yüksək gəlirdən ibarət deyil. Əsas fərqi uzun illər ərzində formalaşan maliyyə vərdişləri və sistemli yanaşma yaradır.
Varlı insanların digərlərindən fərqləndiyi 10 əsas pul davranışını açıqlanıb:
Gəliri deyil, xalis sərvəti izləyirlər Toyuqlu pizza
Orta təbəqə əsasən maaşın məbləğinə diqqət yetirir. Varlı insanlar isə sahib olduqları aktivlərin və öhdəliklərin fərqini, yəni xalis sərvətlərini izləyirlər. Yüksək gəlir əldə edən bir çox insan xərclərini də artırdığı üçün varlana bilmir.
Qənaəti avtomatlaşdırırlar
Varlı insanlar əvvəlcə özlərinə pul ayırır, daha sonra xərclərini planlaşdırırlar. Avtomatik yığım və investisiya sistemi artıq xərclərin qarşısını almağa kömək edir.
Borcdan məqsədli istifadə edirlər
Onlar yalnız gəlir gətirən və ya vergi üstünlüyü yaradan aktivlər üçün borclanırlar. Məsələn, daşınmaz əmlak və ya biznes investisiyası məqsədəuyğun hesab edilir. Dəyərini sürətlə itirən avtomobil kimi alışlar üçün kredit götürmək isə sərvət yaratmır.
Aktivlərə dəbdəbədən üstünlük verirlər
Varlı insanlar əvvəlcə biznes, səhmlər, daşınmaz əmlak və digər gəlir gətirən aktivlərə yatırım edir. Dəbdəbəli həyat tərzi isə yalnız maliyyə sabitliyi formalaşdıqdan sonra gəlir.
Uzunmüddətli investisiya strategiyasına sadiq qalırlar
Onlar bazarı proqnozlaşdırmağa çalışmır, uzun illər eyni strategiya ilə investisiya edirlər. İndeks fondları, dividendlərin yenidən investisiya olunması və müntəzəm yatırım uzunmüddətli sərvətin əsas vasitələri hesab olunur.
Vergidən sonrakı gəliri hesablayırlar
Varlı insanlar yalnız qazancın məbləğinə deyil, vergilərdən sonra əllərində qalan vəsaitə diqqət yetirirlər. Onlar qanun çərçivəsində vergi yükünü azaltmaq üçün müxtəlif maliyyə alətlərindən istifadə edirlər.
Vaxtdan asılı olmayan gəlir mənbələri yaradırlar
Orta təbəqə əsasən vaxtını pula dəyişir. Varlı insanlar isə biznes, səhmlər, müəllif hüquqları və digər passiv gəlir mənbələri hesabına da qazanc əldə etməyə çalışırlar.
Maliyyə savadlılığını artırırlar
Onlar maliyyə məsələlərini tam şəkildə başqalarına həvalə etmirlər. Maliyyə hesabatlarını oxumağı, məsləhətçilərin tövsiyələrini qiymətləndirməyi və yekun qərarı özləri verməyi vacib sayırlar.
Onilliklər üzrə plan qururlar
Varlı insanlar yalnız növbəti ayı deyil, 10-20 il sonranı planlaşdırırlar. Təqaüd, vergi planlaması və ailə sərvətinin gələcək nəsillərə ötürülməsi onların əsas prioritetləri sırasındadır.
Status nümayiş etdirmək əvəzinə sərvəti qoruyurlar
Həqiqətən varlı insanlar imkanlarını nümayiş etdirməyə çalışmır. Onlar daha çox qənaət edir, emosional xərclərdən uzaq durur və sərvətlərini artırmağa üstünlük verirlər.
Telegram kanalımız
