Kənd Təsərrüfatı Nazirliyi tabeliyindəki “Aqrar Tədarük və Təchizat” ASC ilə “Azərbaycan Arıçılar Assosiasiyası” İB-nin birgə təşkilatçılığı ilə paytaxtda 26-cı Arıçılıq Məhsullarının Respublika Sərgi-Satış Yarmarkası təşkil olunacaq.
“Yeni Sabah” nazirliyinə istinadən xəbər verir ki, tədbirdə qüvvəsini sınamaq istəyən fermerlər 7 sentyabr saat 11:00-dan 9 sentyabr saat 23:59-a qədər bal.kendden.az saytı vasitəsilə müraciət edə bilərlər. Müraciət hüququ yalnız 1 sentyabr 2026-cı il tarixinədək Elektron Kənd Təsərrüfatı İnformasiya Sistemində (EKTİS) ən azı 40 arı ailəsi qeydiyyatdan keçirmiş təsərrüfat sahiblərinə şamil olunur. İştirakı təsdiqlənən arıçılara bu barədə SMS vasitəsilə bildiriş göndəriləcək.
Şərtlərə əsasən, hər bir iştirakçı satışa ən çox 450 kq bal (qabla birlikdə) və 30 ədəd şan çıxarmaq hüququna malikdir. Məhsulların keyfiyyəti Qida Təhlükəsizliyi Agentliyinin mütəxəssisləri tərəfindən ciddi şəkildə yoxlanılacaq; götürülən nümunələrdə saxaroza göstəriciləri laboratoriyada analiz ediləcək və standartlara cavab verməyən malların satışına icazə verilməyəcək. Toyuqlu pizza
Müraciət və laboratoriya müayinələri ödənişli əsaslarla həyata keçiriləcək. Təşkilatçılar tərəfindən iştirakçılara ticarət yeri, zəruri avadanlıqlar, həmçinin marketinq, PR və digər dəstək xidmətləri göstəriləcək.
Formanın Yuxarısı
Formanın Aşağısı
Telegram kanalımız
