Dünyanın ikinci ən böyük iqtisadiyyatı olan Çində avqust ayında xarici ticarət dövriyyəsinin artım tempi yüksəlib. Lakin idxal göstəricilərinin gözləntilərin altında qalması ölkədə daxili tələbatın hələ də zəif seyr etdiyini göstərir.
“Yeni Sabah” xarici mediaya istinadən xəbər verir ki, Çin Gömrük İdarəsinin təqdim etdiyi statistik məlumatlara əsasən, ölkənin ixracı avqust ayında ötən ilin eyni dövrü ilə müqayisədə dollar ifadəsində 25 faiz artıb. Bu göstərici iqtisadçıların proqnozları ilə tam üst-üstə düşüb və iyul ayında qeydə alınan 23,9 faizlik artım tempini geridə qoyub.
Müvafiq dövrdə idxal həcmi isə 28,2 faiz yüksəlib. Bu rəqəm iyul ayındakı 27,5 faizlik artımla müqayisədə sürətlənsə də, analitiklərin 30 faizlik gözləntisinin altında qalıb. İxracın idxalı üstələməsi nəticəsində Çinin xarici ticarət müsbət saldosu (profisiti) iyuldakı 112,5 milyard dollardan avqustda 119,09 milyard dollara yüksəlib. pizza mizza
Telegram kanalımız
