Azərbaycan dövlət büdcəsinin 8 aylıq icrasında nəzərdə tutulandan daha çox vəsait toplanıb.
“Yeni Sabah” Maliyyə Nazirliyinə istinadən xəbər verir ki, 2026-cı ilin yanvar-avqust aylarında dövlət büdcəsinin gəlirləri 26 milyard 486,5 milyon manata çataraq proqnozlaşdırılan həddi 780,2 milyon manat (və ya 3 faiz) üstələyib. Hesabat dövründə xəzinədarlıq orqanları tərəfindən 864 mindən çox ödəniş tapşırığının operativ icrası təmin olunub.
Büdcə daxilolmalarının əsas yükü vergi və dövlət əmlakının idarə olunmasından gələn vəsaitlərin üzərinə düşüb: Dominos pizza
Dövlət Vergi Xidməti: 12 milyard 619,1 milyon manat toplayaraq proqnozu 900,1 milyon manat (7,7%) aşıb.
Əmlak Məsələləri Dövlət Xidməti: 37,7 milyon manat daxilolma ilə proqnozu 7,3 milyon manat (23,8%) üstələyib.
Sair daxilolmalar: 462,5 milyon manat təşkil edərək proqnozdan 77,1 milyon manat (20%) çox icra olunub.
Dövlət Neft Fondu (ARDNF): Büdcəyə nəzərdə tutulan 8 milyard 559 milyon manatlıq transfert 100 faiz tam icra edilib.
Dövlət Gömrük Komitəsi: Qapıdan daxilolmalar 4 milyard 326,9 milyon manat təşkil edib.
Büdcə təşkilatlarının ödənişli xidmətləri: 481,3 milyon manat vəsait toplanıb.
Yanvar-avqust aylarında dövlət büdcəsinin xərcləri ötən ilin müvafiq dövrü ilə müqayisədə 462,5 milyon manat (2,1%) artaraq 22 milyard 770,6 milyon manat olub.
Ümumilikdə isə 8 ay ərzində ölkənin icmal büdcəsinin gəlirləri 32 milyard 799,6 milyon manat, xərcləri isə 26 milyard 967,5 milyon manat səviyyəsində qeydə alınıb.
Telegram kanalımız
