ABŞ-də yol təmiri zamanı qeyri-adi üsula əl atılıb. Zibilə atılmalı olan 300 ton qırıq şüşə yolun alt qatında istifadə edilib. Bu üsul tullantıların yenidən istifadəsinə imkan versə də, onun geniş yayılmasına mane olan əsas səbəb üzə çıxıb.
“Yeni Sabah” xəbər verir ki, hadisə 2002-ci ildə ABŞ-nin Aydaho ştatında avtomobil yolunun təmiri zamanı baş verib. Yolun yenilənməsi zamanı təkrar emal mərkəzində toplanan təxminən 300 ton qırıq şüşədən istifadə olunub. Butulka və bankalardan əldə edilən şüşə qırıntıları yolun altındakı doldurma qatına tökülüb. Bu layihə tullantı şüşələrin tikinti sahəsində yenidən istifadəsinin mümkün olduğunu göstərib. Lakin həmin üsulun adi yol tikintisində geniş tətbiqinin qarşısında iqtisadi maneələr olduğu da üzə çıxıb.
Sınaq zamanı qırıq şüşədən yolun doldurma qatında istifadə etməyin mümkün olduğu müəyyən edilib. Ancaq şüşənin yolun əsas qatında işlədilməsi daha çox xərc tələb edir. Bunun üçün əvvəlcə tullantı şüşələr təmizlənməli, çeşidlənməli və lazımi ölçüdə xırdalanmalıdır. Bütün bu işlər əlavə xərc yaradır. Aydaho ştatında yol tikintisində istifadə olunan təbii daşın bol olması da şüşədən istifadənin iqtisadi baxımdan sərfəli olmasını çətinləşdirir. Beləliklə, əsas problem şüşənin texniki xüsusiyyətlərindən çox, onun yol tikintisinə yararlı hala gətirilməsi üçün tələb olunan xərclərlə bağlıdır. Marqarita pizza
Layihəni şüşə tullantıları ilə təmin edən “Southern Idaho Solid Waste” şirkəti həmin dövrdə ildə təxminən 400-500 ton tullantı şüşə toplayırdı. Qurumun rəhbəri Terri Şults gələcək yol layihələri üçün də qırıq şüşə təmin edə biləcəklərini bildirmişdi. Təkrar istifadə olunmadıqda isə bu tullantıların böyük hissəsi yerli zibil poliqonlarına göndərilirdi. Onlardan yol tikintisində istifadə edilməsi tullantıların başqa üsulla dəyərləndirilməsinə imkan yaradırdı.
2002-ci ildə həyata keçirilən layihə ilə bağlı texniki qeydlər mövcuddur. Lakin şüşə qırıntılarından hazırlanmış alt qatın sonrakı illərdə yolun davamlılığına necə təsir etdiyini göstərən dərc olunmuş uzunmüddətli araşdırma yoxdur.
Əsmətxanım Rzazadə
Telegram kanalımız
