Yaxşı gecə yuxusu fiziki və zehni sağlamlıq üçün vacibdir. Araşdırmalar göstərir ki, orta yaşlı yetkinlər həftədə cəmi üç dəfə keyfiyyətli yuxu ala bilir. Yuxu problemlərini azaltmaq üçün qida və içki seçimlərinə diqqət yetirmək önəmlidir.
Sfera.az xəbər verir ki, mütəxəssislər yatmazdan əvvəl triptofan tərkibli qidaların quş əti, yumurta, banan və fıstıq yağının yuxuya kömək edə biləcəyini bildirir.
Karbohidratlarla birlikdə qəbul edildikdə bədən bu amin turşusunu daha effektiv mənimsəyir. Süd, qatıq və yulaf ezməsi də faydalıdır.
Yatmazdan əvvəl ilıq süd, çobanyastığı çayı və albalı suyu kimi içkilər rahatlamanı təşviq edə bilər. Kivi isə tərkibindəki vitaminlər və antioksidantlarla yuxu keyfiyyətini yaxşılaşdırır.
Kofein, alkoqol, şəkərli və ağır-acılı qidalardan isə uzaq durmaq vacibdir. Kofein yuxuya getməyə mane olur, alkoqol REM yuxusunu azaldır, şəkər isə enerji artımı verərək yuxunu poza bilər. Ağır və acılı qidalar isə həzmi çətinləşdirir.
Yatmazdan 2-3 saat əvvəl yeməyi bitirmək, gün ərzində kifayət qədər su içmək, lakin gecə suyu məhdudlaşdırmaq və isti duş qəbul etmək yuxu keyfiyyətini artıran sadə üsullardandır.
Mənsumə
Sfera.az
