Son illərdə sağlam qidalanma vərdişlərinə marağın artması ilə antioksidantla zəngin bitkilər gündəlik rasionda daha çox yer almağa başlayıb.
Sfera.az xəbər verir ki, bu bitkilər orqanizmi sərbəst radikalların zərərli təsirindən qoruyur, immun sistemini gücləndirir və ümumi sağlamlığa müsbət təsir göstərir. Antioksidantlar hüceyrə səviyyəsində qoruyucu rol oynayaraq yaşlanma prosesinin sürətini azalda bilər və orqanizmin təbii müdafiə mexanizmini dəstəkləyir. Sağlam qidalanmada xüsusilə yaşıl çay, zəncəfil, zərdəçal, giləmeyvələr və sarımsaq kimi məhsullar antioksidant tərkibi ilə seçilir. Yaşıl çay katexin maddələri ilə ürək-damar sisteminə dəstək verir, zəncəfil isə iltihabəleyhinə təsiri ilə tanınır.
Sarıkök əsas aktiv maddəsi kurkumin güclü antioksidant xüsusiyyətlərə malikdir və son araşdırmalarda onun beyin sağlamlığı və xroniki xəstəliklərin qarşısının alınmasında faydalı ola biləcəyi qeyd edilir.
Giləmeyvələr, çiyələk, moruq, böyürtkən və qaragilə, tərkibindəki flavonoidlər sayəsində hüceyrə zədələnməsinə qarşı qoruyucu təsir göstərir. Sarımsaq isə həm təbii antibiotik kimi, həm də antioksidant xüsusiyyətləri ilə orqanizmin müdafiə sistemini gücləndirir. Mütəxəssislər bildirirlər ki, bu cür bitkilərin gündəlik qidalanmaya daxil edilməsi sağlam həyat tərzinin formalaşmasında mühüm rol oynayır.
Niyaz Hacıyev
Sfera.az
