Mütəxəssislər xəbərdarlıq edirlər ki, uşaqların gec yatması onların həm fiziki, həm də zehni inkişafına mənfi təsir göstərə bilər.
Sfera.az xəbər verir ki, yuxunun ilk saatlarında beyin gün ərzində toplanan tullantıları təmizləyir, yaddaş və öyrənmə prosesləri möhkəmlənir. Eyni zamanda, uşağın böyüməsi və orqanizmin bərpası üçün vacib olan böyümə hormonu aktiv şəkildə ifraz olunur.
Mütəxəssislərin sözlərinə görə, yuxu zamanı böyümə hormonu da intensiv şəkildə ifraz olunur. Bu hormon yalnız uşağın fiziki inkişafına deyil, həm də toxumaların, əzələlərin və sinir sisteminin bərpasına dəstək verir. Həkimlər məktəbəqədər və məktəb yaşlı uşaqların ən gec saat 21:00-22:00 arasında yatmasını tövsiyə edirlər.
Mütəxəssislərin sözlərinə görə, gec yatmaq diqqət dağınıqlığına, emosional gərginliyə və bərpa proseslərinin zəifləməsinə səbəb ola bilər.
Valideynlərə uşaqların gündəlik yuxu rejiminə diqqət yetirmək tövsiyə olunur. Çünki keyfiyyətli yuxu sağlam inkişafın əsas şərtlərindən biridir.\azxeber.com
