Fransa futbolunun ən köklü və tarixi klublarından biri olan "Bordo" ("Girondins de Bordeaux") fəlakətin astanasındadır.
“Yeni Sabah” xəbər verir ki, klub rəsmi qərarla ölkənin milli çempionatlarından kənarlaşdırılıb.
Uzun müddətdir ağır maliyyə böhranı ilə mübarizə aparan "Bordo"nu qarşıda daha çətin günlər gözləyir: Toyuqlu pizza
- Məcburi ləğv olunma təhlükəsi: Klub bu ayın sonunadək borclarını qaytara bilməsə, rəsmi olaraq fəaliyyətini tamamilə dayandıra (məcburi iflas və ləğv edilmə) bilər;
- 6-cı diviziona eniş: Əgər klub iflasdan xilas olsa belə, peşəkar statusunu itirəcək. Bu halda komanda növbəti mövsümdən etibarən mübarizəyə Fransa futbolunun 6-cı divizionundan (həvəskar liqadan) başlamaq məcburiyyətində qalacaq;
Bir vaxtlar Fransada çempionluqlar qazanan və Avropa arenalarında fırtına qoparan "Bordo"nun bu vəziyyətə düşməsi futbol ictimaiyyətində böyük üzüntü ilə qarşılanıb.
Qeyd edək ki, “Bordo” 6 qat Fransa Liqası və 4 qat Fransa Kuboku qalibidir. Komanda həmçinin 1995-ci ildə İntertoto kubokunu başı üzərinə qaldırıb.
“Bordo” Biksent Lizarazu, Zinəddin Zidan, Cul Kunde, Auren Tuxameni və Mauren Şamax kimi fransız futbolçuların yetişdiyi məktəbdir.
Nazim Hacıyev
Telegram kanalımız
