“Bir çox adam Əbdürrəhim bəy Haqverdiyevi yazıçı , dramaturq kimi tanıyır. Amma Əbdürrəhim bəy, Azərbaycan Cümhuriyyəti dövründə , Cümhuriyyətin Ararat Respublikasında diplomatik səfirimiz olub”.
“Yeni Sabah” xəbər verir ki, bu barədə tarixçi Elmar Həsənli öz “Facebook” səhifəsində yazıb. O, tarixçi-alim Nazim Mustafaya istinadən qeyd edib ki, həmin dövrün mənzərəsini əks etdirən yüzlərlə sənəd Əbdürrəhim bəy Haqverdiyevin imzası ilə arxivlərdə saxlanılır
“Haqverdiyevin İrəvan quberniyası və Qars vilayətində türk müsəlman əhaliyə qarşı ermənilər tərəfindən törədilən soyqırım faktlarının Birləşmiş Dövlətlərin Ali Komissarlığına , xarici ölkələrin Qafqazdakı nümayəndəliklərinə çatdırılmasında , qaçqınların vəziyyətinin yüngülləşdirilməsində xeyli işlər görüb.O dövrün mənzərəsini əks etdirən yüzlərlə sənəd Əbdürrəhim bəy Haqverdiyevin imzası ilə arxivlərdə saxlanılır”. Sezar pizza
Əbdürrəhim bəy Haqverdiyev 17 may 1870-ci ildə Şuşa şəhəri yaxınlığındakı Ağbulaq kəndində anadan olub. Görkəmli dramaturq, yazıçı, teatr xadimi kimi tanınan ədib "Dağılan tifaq", "Bəxtsiz cavan", "Ağa Məhəmməd şah Qacar" pyeslərinin, "Marallarım" silsiləsinin və "Bomba", "Mirzə Səfər" kimi məşhur hekayələrin müəllifidir. Azərbaycanda ilk opera rüşeymi sayılan musiqili səhnəciyin təşkilatçısı, I Dövlət Dumasının deputatı və "Molla Nəsrəddin" jurnalının ana sütunlarından biri olub. 11 dekabr 1933-cü ildə Tiflisdə vəfat edib, Bakıda Fəxri Xiyabanda dəfn olunub.
Nazim Hacıyev
Telegram kanalımız
