Türkiyə Prezidenti Rəcəb Tayyib Ərdoğan cümə günü Aşqabadda Beynəlxalq Sülh və Təhlükəsizlik Forumu çərçivəsində Rusiya Prezidenti Vladimir Putinlə görüşünü uğurlu və məhsuldar adlandırıb.
Sfera.az xəbər verir ki, Ərdoğanın sözlərinə görə, Qara dəniz hesablaşma arenası kimi istifadə edilməməlidir və hər kəsin təhlükəsiz naviqasiyaya ehtiyacı var. Türkiyə lideri həmçinin Aşqabad görüşündən sonra ABŞ Prezidenti Donald Trampla Ukrayna üçün sülh planını müzakirə etməyə ümid etdiyini bildirib.
O vurğulayıb ki, xarici işlər nazirinin Vaşinqtonla daim əlaqədə olması və liderlərin telefon danışıqları sülh prosesinə töhfə verir.
"Sülh yaxındadır, biz bunu görürük", – deyə Ərdoğan əlavə edib.
Niyaz Hacıyev
Sfera.az
