Türkiyə Prezidenti Rəcəb Tayyib Ərdoğan bildirib ki, hazırda Qəzza zolağında mümkün xarici sabitləşdirmə qüvvələri missiyasında iştirak üçün Türkiyəyə rəsmi müraciət daxil olmayıb.
Sfera.az xəbər verir ki, Türkmənistandan qayıdarkən jurnalistlərə açıqlama verən Ərdoğan qeyd edib ki, bu mövzuda yalnız şayiələr eşidilir, lakin sülh məqsədli görüşlər keçirilərsə, Türkiyə iştirak etməyə hazırdır. Eyni zamanda o, İsraili Qəzzada atəşkəsi pozmaqda ittiham edib. Ərdoğanın sözlərinə görə, İsrail öhdəliklərini yerinə yetirmir, humanitar yardıma çıxışla bağlı problemlər davam edir və atəşkəsə tam əməl olunmalıdır.
Türkiyə prezidenti vurğulayıb ki, hazırkı mərhələdə Qəzzada mənzil problemlərinin həlli və əhalinin əsas ehtiyaclarının ödənilməsi təcili xarakter daşıyır və Türkiyə bu prosesdə məsuliyyətdən yayınmayacaq.
Niyaz Hacıyev
Sfera.az
