Tədqiqatlar göstərir ki, Mars planetində bir gün, yəni günəşin eyni nöqtəyə qayıtması üçün lazım olan müddət, Yer saatı ilə təxminən 24 saat 37 dəqiqədir.
Sfera.az xəbər verir ki, bu, Marsın Yerə nisbətən bir az yavaş fırlanması ilə bağlıdır.
Bu fərq kosmik missiyalar və gələcəkdə Marsda koloniyalar qurmaq planları üçün mühüm əhəmiyyət kəsb edir. Marsda gündüz və gecə dövrlərinin Yer vaxtından fərqli olması, astronavtların biologiyasına və iş qrafiklərinə təsir göstərə bilər.
Hazırda NASA və digər kosmik agentliklər Mars missiyaları üçün yeni vaxt sistemləri və uyğunlaşma proqramları üzərində işləyir. Bu sistemlər gələcəkdə Marsda insanlar üçün daha uyğun iş və yuxu rejimi yaratmağa kömək edəcək.
Niyaz Hacıyev
Sfera.az
