Filippin ABŞ-ni münaqişənin eskalasiyasının qarşısını almaq və Venesuelada sülh və asayişi bərpa etmək üçün beynəlxalq hüquqa riayət etməyə çağırıb.
Sfera.az bildirir ki, bu barədə Filippin Xarici İşlər Nazirliyinin bəyanatında deyilir.
Bəyanatda bildirilir:
“Filippin Venesueladakı hadisələri və onların regional sülh və sabitliyə, eləcə də qaydalara əsaslanan beynəlxalq nizama təsirlərini narahatlıqla izləyir. Amerika Birləşmiş Ştatlarının ilkin təhlükəsizlik narahatlıqlarını qəbul etməklə yanaşı, Filippin dövlətlərin müstəqilliyi və suveren bərabərliyi, mübahisələrin dinc yolla həlli, güc tətbiqi və ya təhdidinin qadağan edilməsi və suveren dövlətlərin daxili işlərinə müdaxilə etməmək daxil olmaqla beynəlxalq hüququn müvafiq prinsiplərinə diqqət çəkir. Filippin tərəfləri BMT Nizamnaməsi də daxil olmaqla beynəlxalq hüquqa hörmət etməyə və münaqişənin eskalasiyasının qarşısını almaq, Venesuelada sülhü və asayişi bərpa etmək, Venesuela və qonşu ölkələrdəki filippinlilər də daxil olmaqla bütün insanların təhlükəsizliyinə və rifahına töhfə vermək üçün təmkinli olmağa çağırır”.
Xatırladaq ki, 3 yanvarda Venesuela xarici işlər naziri İvan Gil Pinto ABŞ-nin Karakasdakı mülki və hərbi obyektlərə hücum etdiyini açıqlayıb. O, Vaşinqtonun hərəkətlərini hərbi təcavüz adlandırıb. Respublikada fövqəladə vəziyyət elan edilib. ABŞ Prezidenti Donald Tramp Venesuelaya endirilən zərbələri təsdiqləyib.
Prezident Maduro və həyat yoldaşı tutularaq ölkədən çıxarılıb. Ağ Ev rəhbəri həmçinin ABŞ-nin Venesuelanı müvəqqəti idarə etmək niyyətində olduğunu açıqlayıb. Respublika Ali Məhkəməsi icraçı vitse-prezident Delsi Rodrigezi dövlət başçısının səlahiyyətlərini müvəqqəti olaraq icra edir.
Firuzə Əliyeva
Sfera.az
