Amerikalı müğənni və aktrisa Cennifer Lopez özü ilə güclü yeni münasibətdədir.
"Good Morning America" verilişində müsahibəsinin önizləməsində superulduz 2024-cü ildə Ben Afflekdən boşanmasından bəri yaşadığı həyatdan və niyə əvvəlkindən daha xoşbəxt olduğundan danışıb.
Sfera.az bildirir ki, Ceniffer uzun müddət sonra ilk dəfə iki il əvvəl “Oskar” mükafatlı həyat yoldaşı Ben Afflekdən ayrılmasından danışıb.
"Mən öz xoşbəxtlik yeriməm"-deyən 56 yaşlı Lopez: “Düşünürəm ki, həyatımda ilk dəfə özümü azad hiss edirəm; təkəm və bu, həqiqətən də gözəl bir hissdir”-əlavə edib.
Müğənni və aktrisa bu hissin onun üçün nə qədər qeyri-adi olduğunu düşünərək, həyatının çox hissəsini münasibətlərdə keçirdiyini etiraf edib.
"20 yaşlarımın əvvəllərindən bəri - hətta ondan əvvəl belə indiki hissin nə olduğunu həqiqətən bilmirdim".
"Mənim həmişə sevgilim olub. Həyatımda həmişə kimimsə olub və çox şeyin mənim nəzarətimdən kənar olduğunu hiss etdiyim şeylər olub"- deyə o əlavə edir.
İndi Lopez özünə daha çox güvənməyi və bir vaxtlar özünə qoyduğu təzyiqdən azad olmağı öyrəndiyini deyir:
“Özümə bu qədər sərt davranmaq və həmişə kim olduğumu sübut etməyə çalışmaq əvəzinə, əslində özümə güvəndiyim və özümə bir az daha çox dəyər verdiyim bir nöqtəyə çatmışam."
Xatırladaq ki, Lopez Affleklə ilə ilk dəfə 2002-ci ildən 2004-cü ilə qədər "Gigli" filminin çəkiliş meydançasında tanış olduqdan sonra görüşüb. Onlar 2021-ci ildə yenidən bir araya gəlib və 2022-ci ilin iyul ayında evləniblər.
2024-cü ilin avqustunda - evliliklərinin ikinci ildönümündə J. Lo boşanma üçün müraciət edib. Nikah pozulması isə rəsmi olaraq 2025-ci ilin yanvar ayında qeydə alınıb.
Aynil
