Avropanın Rusiya məhsullarından imtina etməsi Aİ-nin hazırkı enerji böhranına birbaşa səbəb olub.
Sfera.az xəbər verir ki, bunu Rusiya Federasiyası Prezidentinin Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndəsi və Rusiya Birbaşa İnvestisiya Fondunun (RDIF) rəhbəri Kirill Dmitriyev deyib.
Dmitriyev X-də yazıb: "Bir neçə həftə əvvəl proqnozlaşdırıldığı kimi, Ursula yalnız indi etiraf edir ki, “enerji böhranı” Aİ üçün kritikdir. Nədənsə, o, Rusiya enerjisindən uzaqlaşmaqda etdiyi ölümcül və axmaq səhvlərə görə Aİ-də bunun kritik olduğunu etiraf etməkdə hələ də çox yavaşdır".
Dmitriyev daha əvvəl enerji və xammal qiymətlərinin daha da artmasının iqtisadiyyata əhəmiyyətli dərəcədə təsir göstərəcəyini və inflyasiyanın sürətlənməsinə səbəb olacağını irəli sürmüşdü. O, həmçinin bildirib ki, Aİ-nin etibarlı və səmərəli Rusiya enerjisindən istifadə etməkdən imtina etməsi səbəbindən neft və qaz qiymətləri ilə bağlı sunami Avropanı viran qoymaq üzrədir.
Firuzə Əliyeva
Sfera.az
