ABŞ Demokrat Partiyasının nümayəndəsi Ceymi Raskin Ağ Ev həkimini Prezident Donald Trampın zehni qabiliyyətini yoxlamağa çağırıb.
Sfera.az xəbər verir ki, "The Hill" qəzetinin məlumatına görə, belə bir tələbin səbəbi prezidentin İranla bağlı son açıqlamaları olub.
Nəşrin məlumatına görə, siyasətçi Trampın şəxsi həkimi Şon Barbasellaya ünvanladığı məktubda ABŞ prezidentinin sözləri və hərəkətlərinin onun zehni vəziyyətini şübhə altına aldığını iddia edib.
Raskin yazıb ki, mütəxəssislər dəfələrlə prezidentin demensiya və koqnitiv pozğunluq əlamətləri göstərdiyi barədə xəbərdarlıq ediblər:
"Son günlərdə bütün ölkə Prezident Trampın ictimai açıqlamalarının və qəzəblərinin getdikcə daha çox anlaşılmaz, partlayıcı, təhqiramiz, balanssız və təhdidedici hala gəldiyinin şahidi olub".
Sənəddə bildirilir ki, Trampın "pisləşən vəziyyəti" ölkə daxilində böyük həyəcana səbəb olub və onun zehni qabiliyyətlərini və vəzifə tutmaq qabiliyyətini şübhə altına alıb.
Firuzə Əliyeva
Sfera.az
