Dünyadakı demək olar ki, hər bir cəmiyyətin özünəməxsus qədim ənənələri var. Tarixi bir hadisədən, qədim bir inancdan və ya mühüm bir şəxsdən ilhamlanan bu ənənələrin çoxu olduqca maraqlıdır.
Sfera.az bildirir ki, hər il Şimali İtaliyadakı Trento şəhərində 14-cü əsrə aid maraqlı bir ənənə keçirilir. Tonka adlı bu ənənə bu gün də yaşadılır. Tonka ənənəsi qədim rituallara uyğun olaraq həyata keçirilir. Şəhərin "cinayətkar" yerli siyasətçiləri qətiyyətlə müəyyən edilir. Cinayətkarlar dəmir qəfəsə salınır və İtaliyanın ikinci ən uzun çayı olan Adige çayına batırılır.
Əlbəttə ki, yüz illər əvvəl əsl cəza forması olan bu təcrübə bu gün zərərsiz bir əyləncə formasına çevrilib. Buna baxmayaraq, ənənənin bütün ritualları mütləq yerinə yetirilir. Məhkəmələr çağırılır, təqsirləndirilən şəxslər dinlənilir, hökmlər verilir və şəhərin ən cinayətkar şəxsi çayın soyuq sularına atılır.
Tonka adlanan bu ənənəyə görə, hər il şəhərdəki yerli siyasətçilərin ən "cinayətkarı" dəmir qəfəsə salınır və Adige çayının soyuq sularına batırılır. Bu ənənə, şəhərin himayədarı olan Vigilionu xatırlamaq və şərəfləndirmək üçün keçirilən "Feste Vigiliane" adlı festivalın bir hissəsi kimi keçirilir.
Cinayətkarları Adige çayında suya batırmaq 14-cü əsr İtaliyasında əsl edam üsulu idi.
Lakin, əlbəttə ki, müasir Tonka və ya Tonkan ənənəsində heç kim əslində həyatını itirmir. Buna baxmayaraq, ənənə tarixi mənşəyinə sadiq qalaraq kifayət qədər geniş rituallarla həyata keçirilir.
Trentoda, ənənənin bir hissəsi olaraq, şəhərdə ən günahkar şəxsin kim olduğunu müəyyən etmək üçün Tribunale di Penitenza (Tövbə Tribunalı) yaradılır.
Bu açıq məhkəmə işlərə olduqca ciddi yanaşır. Prokurorlar, vəkillər, təqsirləndirilən şəxslər və şahidlər məhkəmə günü hakimlər tərəfindən dindirilir və şəhərdə ən günahkar şəxs belə müəyyən edilir. Trento xalqı uzun müddət əvvəl edam üsulu olan bu təcrübəni "əyləncəli teatr" şousuna çevirərək davam etdirir.
Trento cinayətkarları adətən şəhərdəki yerli siyasətçilər arasından olur.
Trento sakinləri ən günahkar insanların siyasətçilər olduğuna inanırlar, buna görə də siyasətçilərin adları əsasən məhkəməyə verilir. Günahkar bilinən siyasətçilərin cinayətləri arasında xəstəxana tikintisini gecikdirmək və ya şəhərdə müğənninin konsert verməsinə qarşı çıxmaq kimi şeylər var.
Lakin, şəhərdə ciddi bir cinayət törədən hər kəs özünü əvvəlcə müttəhimlər kürsüsündə, günahkar bilinərsə, Adige çayının soyuq sularında tapa bilər.
Məhkəmədən bir neçə gün sonra hakimlər ilin ən cinayətkar şəxsinin kim olduğuna qərar verirlər.
Qərar ictimaiyyətə elan edilir və hökm icra olunur. Trentoda ən cinayətkar şəxs dəmir qəfəsə salınır və Adige çayının sularında üç dəfə batırılır.
Aynil
