Xorvatiya millisinin və İspaniyanın “Real Madrid” klubunun ulduz yarımmüdafiəçisi Luka Modriç növbəti dəfə böyük uğura imza atıb.
Sfera.az xəbər verir ki, təcrübəli futbolçu Xorvatiyada “İlin futbolçusu” mükafatına 14-cü dəfə layiq görülərək rekordunu daha da yeniləyib. Bu göstərici onun ölkə futbolu tarixində nə qədər sabit və yüksək səviyyədə çıxış etdiyini bir daha təsdiqləyir. Uzun illərdir həm milli komandanın, həm də klub səviyyəsində stabil performans sərgiləyən Modriç Xorvatiya futbolunun ən önəmli simalarından biri hesab olunur. Onun bu uğuru azarkeşlər və futbol ictimaiyyəti tərəfindən böyük rəğbətlə qarşılanıb. Qeyd edək ki, 39 yaşlı yarımmüdafiəçi karyerası boyunca qazandığı titullarla dünya futbolunun əfsanələri sırasında yer almağa davam edir.
Niyaz Hacıyev
Sfera.az
