“Apple” standart “iPhone 18” modeli ilə giriş seqmentli cihazlarının aparat təminatında ciddi dəyişiklik etməyə hazırlaşır.
Sfera.az xəbər verir ki, texnologiya analitiki Dan Nystedtin paylaşdığı son hesabatlara görə, yeni model ötən il təqdim edilən “iPhone 17 Pro” seriyası ilə eyni səviyyədə, yəni 12 GB RAM tutumu ilə istehlakçıların qarşısına çıxacaq. Baza modelində baş verəcək bu kəskin artımın əsas səbəbi cihazdaxili süni intellekt sistemi olan "Apple Intelligence"in yüksək yaddaş tələbləridir. Məlumata görə, “Apple”ın 8 iyun tarixində keçiriləcək WWDC tədbirində iOS 27 ilə birlikdə elan edəcəyi yeni süni intellekt funksiyalarının tam yüksək güclə çalışması üçün bu yaddaş artımı zəruridir.
Cihazın mərkəzində yer alacaq “A20 yonga” seti üçün TSMC-nin 2nm çip istehsal texnologiyasından istifadə ediləcəyi bildirilib. Bu yeni arxitektura əvvəlki 3nm texnologiyası ilə müqayisədə enerji itkisinə yol vermədən 15 faiz daha yüksək prosessor performansı vəd edir. Gözləntilərin əksinə olaraq, standart “iPhone 18” modelinin bu payızda Pro seriyası ilə birlikdə satışa çıxarılmayacağı qeyd olunub.
“Apple”ın planına əsasən, payızda “iPhone 18 Pro” modelləri və yeni qatlana bilən cihaz təqdim olunacaq. 2027-ci ilin əvvəlində isə standart “iPhone 18”, “iPhone 18e” və yeni nəsil “iPhone Air” modelləri ictimaiyyətə nümayiş etdiriləcək.
Bəsti Rəfizadə
Sfera.az
