"Çestnıy znak" dövlət etiketləmə sistemi həm oflayn, həm də onlayn mağazalarda Ermənistan istehsalı olan "Cermuk" mineral suyunun bir partiyasının satışını dayandırıb.
Sfera.az xəbər verir ki, Perspektivli Texnologiyaların İnkişafı Mərkəzinin baş direktorunun müavini Revaz Yusupovun "RBC"yə verdiyi məlumata görə, dövriyyədə 338 min şüşə var idi və hazırda yoxlamalar bitənə qədər onlar bloklanıb.
Dövriyyənin dayandırılmasına səbəb "Rospotrebnadzor"dan gələn məktub olub və agentlik orada "Rusiya vətəndaşlarının həyatı və sağlamlığına mümkün zərərin qarşısını almaq üçün təcili tədbirlər görməyin" vacibliyini qeyd edib. Bloklamanın səbəbi məcburi tələblərin pozulmasıdır.
17 fevral və 5 mart 2026-cı il tarixlərində istehsal olunmuş məhsullar qadağan edilib. Yusupovun qeyd etdiyi kimi, yoxlamalar başa çatana qədər onlar istehlakçıların əlində olmayacaq.
Etiketləmə sistemi artıq 2024-cü ildə Şimali Osetiya sakininin zəhərlənməsindən sonra 2,5 milyon şüşə Cermukun satışını dayandırmışdı. Həmin vaxt şüşədə mineral su əvəzinə sirkə turşusu olduğu bildirilirdi.
Firuzə Əliyeva
Sfera.az
