Reper Navai (əsl adı Nəvai Bəkirov) ilə bağlı baş verən qəzanın ehtimal olunan səbəblərindən biri təkərlər arasındakı təzyiq fərqi ola bilər.
Sfera.az xəbər verir ki, bu barədə “Baza” teleqram kanalı məlumat yayıb.
Ekspertin sözlərinə görə, əgər idman avtomobilinin sağ təkərində təzyiq sol təkərlə müqayisədə daha aşağı olarsa, yüksək sürət və güclü sürətlənmə zamanı avtomobil qəfil olaraq yan tərəfə çəkilə bilər. Bu zaman sürücü sükan çarxında güclü sarsıntı hiss edir, avtomobilin arxa hissəsi sürüşməyə başlayır və nəticədə nəzarət itirilir.
Bildirilir ki, təxminən 55 milyon rubl dəyərində olan idman avtomobili podratçıya məxsus olub. Avtomobil Dövlət Yol Hərəkəti Təhlükəsizliyi Müfəttişliyində qeydiyyatdan keçməyib və üzərində nömrə nişanı olmayıb.
Qəza nəticəsində avtomobil tam yararsız hala düşüb və onun bərpası mümkün sayılmır. Bundan əlavə, sağ qalan ehtiyat hissələrinin də bazarda satışı çətin qiymətləndirilir./globalinfo
