Avropada yaşayış xərclərinin artması, mənzil böhranı və gəlir bərabərsizliyi yoxsulluğu daha da dərinləşdirib.
Sfera.az xəbər verir ki, Avropa Birliyinin (AB) məlumatlarına görə, təxminən 90 milyon insan yoxsulluq və ya sosial təcrid riski altındadır. Xüsusilə uşaqlar və gənclər ən həssas qruplar hesab olunur. Ölkədə artan yaşayış xərcləri, inflyasiya və mənzil bazarındakı daralma, xüsusilə enerji böhranından sonra yoxsulluğu daha da kəskinləşdirib.
Avropa Komissiyasının məlumatına görə, təxminən 90 milyondan çox insan yoxsulluq riski altındadır və hər dörd uşaqdan biri oxşar vəziyyətlə üzləşir. Bu, yoxsulluğun cəmiyyətin geniş təbəqələrinə təsir etdiyini göstərir. Avrostatın məlumatlarına görə, tək valideynli ailələr, aşağı əmək haqqı alan ev təsərrüfatları və immiqrant mənşəli əhali ən yüksək yoxsulluq riski altında olan qruplardır.
Bir çox AB ölkələrində yüksək məşğulluq nisbətinə baxmayaraq, işçi yoxsulluğu artmaqda davam edir. OECD-nin son qiymətləndirmələrinə görə, inflyasiyaya qarşı real əmək haqqının azalması və mənzil kirayələrinin yüksəlməsi orta və aşağı gəlirli qrupları daha həssas edir. Dünya Bankının hesabatına görə, hətta inkişaf etmiş Avropa ölkələrində orta təbəqənin alıcılıq qabiliyyəti uzunmüddətli təzyiq altındadır. Enerji və ərzaq qiymətlərindəki dalğalanmalar ev təsərrüfatlarının büdcələrinə ciddi təsir göstərir və Avropada rifah dövlətinin yeni, həssas dövrə qədəm qoyduğunu göstərir.
Mənsumə
Sfera.az
