Sağlam həyat və uzunömürlülük üçün gündə 10 000 addım atmaq hədəfi artıq ənənəvi olaraq reklam olunsa da, elmi baxımdan optimal rəqəm deyil.
Sfera.az xəbər verir ki, gündə təxminən 7 000 addım atmağın ölüm riskini əhəmiyyətli dərəcədə azaltdığı və ürək-damar, diabet, xərçəng və digər xəstəliklərdən qoruduğu bildirilir. Hətta gündə 4 000-5 000 addım belə, heç addım atmamağa nisbətən sağlamlıq baxımından faydalıdır. 7 000 addıma çatdıqdan sonra əlavə faydalar artır, lakin 10 000 addım hədəfi hər kəs üçün zəruri deyil. Yaşlı qadınlarda isə təxminən 4 400 addım/gün belə ölüm riskini azalda bilir və əlavə addımlar bu faydanı artırır. Gündəlik fiziki aktivliyi artırmaq, hətta kiçik artımlar belə, ümumi sağlamlığa müsbət təsir göstərir.
Qeyd edək ki, gündə təxminən 7 000 addım atmaq sağlam ömür üçün kifayət edir və uzun müddətli sağlam həyat üçün real hədəf hesab olunur.
Niyaz Hacıyev
Sfera.az
