İşə gecikməyə görə cərimə tətbiq olunub-olunmaması bir çox işçini maraqlandıran məsələlərdəndir. Bu cür hallarda işəgötürənin hansı hallarda cərimə edə bilməsi və işçinin məsuliyyətinin nə ilə məhdudlaşması qanunla müəyyən edilir.
Hüquqşünas Ramil Süleymanov Metbuat.az-a açıqlamasında bildirib ki, qanunvericilikdə cərimələrin tətbiqi yalnız həmkarlar təşkilatı ilə işəgötürən arasında bağlanmış kollektiv sazişdə bu məsələ öz əksini taparsa, nəzərdə tutulub:
"Lakin işçinin işə gecikməsi nəticəsində işəgötürənin müştəri qarşısında məsuliyyəti artarsa və müştəriyə vurulmuş zərərə görə işəgötürən təqsirkar hesab edilərsə, həmin işçi də reqress qaydasında vurulmuş zərərin ödənilməsinə cəlb oluna bilər"./metbuat.az
