Tədqiqatçıların Adolf Hitlerin adı ilə əlaqələndirdiyi şəxsi evin çardağında əl ilə yazılmış gündəlik tapılıb. Tapıntı 113 səhifəlik qeydlərdən ibarətdir ki, orada gündəlik və siyasi fraqmentlərlə yanaşı, aktrisa Marlen Ditrixə gizli rəğbətlə bağlı qeydlər də var. Qeyd edək ki, Nasist təbliğatı bu qadını satqın hesab edirdi.
Sfera.az bildirir ki, mütəxəssislərin fikrincə, sənədlərin müəllifliyi hələ qəti şəkildə təsdiqlənməsə də, Üçüncü Reyx dövrünə aiddir. Buna baxmayaraq, tapıntı artıq tarixçilər və kolleksiyaçılar arasında qızğın müzakirələrə səbəb olub. Gündəlik təxminən 30 min avroya satılıb.
Sənəd ilk dəfə 74 yaşlı kolleksiyaçı Olaf Haubolda təklif edilib. O, əvvəlcə hekayədən ehtiyatlandığını etiraf etsə də, satıcı sənədlərin mənşəyini qeyri-müəyyən şəkildə izah edib, çardaqda tapıldığını bildirib. İlkin müayinədən sonra Haubold qeydlərin həqiqiliyi ehtimalını qəbul edən tarixçilərə müraciət edib.
Çardaqda aşkar edilmiş üz qabığında nasist simvolları olan qoruyucu qutuda əl ilə yazılmış gündəlik
Bəziləri Stasi ilə əlaqəli olan möhürlər və onu müşayiət edən sənədlər əlavə maraq doğurub. Mütəxəssislərin fikrincə, bu, arxivin saxlanmasının mürəkkəb və tam aydın olmayan tarixini göstərə bilər.
“Xain”ə gizli rəğbət
Gündəliyin ən çox müzakirə olunan səhifələri nasist liderinin Marlen Ditrixə olan sevgisinə həsr olunub. Aktrisa açıq şəkildə nasizmə qarşı çıxıb və alman vətəndaşlığından imtina edib, məhz bu səbəbdən Almaniyada onu satqın hesab ediblər. Yazılarda Hitlerin onunla əlaqə yaratmaq cəhdlərindən və hətta tutduğu vəzifəyə baxmayaraq aktrisanı Almaniyaya qaytarmağı planlaşdırmasından bəhs edilir.
Qızıl Hollivud dövrünün məşhur alman aktrisası Marlen Ditrixin ağ-qara portreti
Tarixçilər vurğulayırlar ki, müəllifliyi təsdiqlənsə belə, bu cür qeydlər diktatorun şəxsiyyətinə verilən qiymətləri dəyişdirmir, əksinə onun psixoloji portretinə və şəxsi ziddiyyətlərinə işıq sala bilər.
Onu da qeyd edək ki, bu, Fürerin şəxsi qeydləri ilə bağlı ilk sensasiya deyil. 1983-cü ildə Almaniyanın Stern jurnalı sonradan saxta olduğu ortaya çıxan "Hitler gündəlikləri" adlanan silsilələri əldə edib.
Qalmaqal Avropa jurnalistikası tarixində ən səs-küylü hadisələrdən birinə çevrildi və “Ştonk!” satirik filminin əsasını təşkil etdi.
Aynil
