İsmayıllıda oteldə yanğın hadisəsi baş verib.
Sfera.az xəbər verir ki, hadisə rayonun Diyallı-Talıstan dağları arasında yerləşən Qızılqaya istirahət mərkəzində qeydə alınıb.
Yanğın ümumi sahəsi 500 kv metr olan otelin istirahət güşəsində - sauna və basseyn hissəsində başlayıb. Nəticədə həmin ərazinin 100 kv metr hissəsi yanıb.
Hadisə yerinə FHN-nin İsmayıllı rayon dövlət Yanğından Mühafizə Hissəsinin canlı qüvvəsi və texnikası cəlb olunub. Yanğının digər ərazilərə keçməsinin qarşısı alınıb.
Yanğın zamanı xəsarət alan olmadığı bildirilib.
Hazırda yanğının başvermə səbəbləri araşdırılır.
