Rusiya prezidentinin mətbuat katibi Dmitri Peskov Ukrayna münaqişəsinin həlli ilə bağlı danışıqların növbəti raundunun 17-18 fevral tarixlərində Cenevrədə keçiriləcəyini açıqlayıb.
Sfera.az xəbər verir ki, Peskovun sözlərinə görə, görüş Rusiya-ABŞ-Ukrayna üçtərəfli formatında baş tutacaq.
Rusiya nümayəndə heyətinə prezidentin köməkçisi Vladimir Medinski rəhbərlik edəcək.
Qeyd edək ki, üçtərəfli təhlükəsizlik məsləhətləşmələrinin ilk mərhələsi 23-24 yanvar tarixlərində Əbu-Dabidə baş tutub. Həmin görüşdə Rusiya nümayəndə heyətinə Baş Kəşfiyyat İdarəsinin rəisi İqor Kostyukov rəhbərlik edib.
Bəsti Rəfizadə
Sfera.az
