Yer kürəsində əhali sayı 8 milyardı keçsə də, hələ də insanların yaşamadığı və ya ciddi şəkildə yaşayış üçün məhdudlaşdırılan ərazilər mövcuddur. Sərt iqlim, təhlükəli canlılar, radiasiya və coğrafi təcrid kimi səbəblər bəzi bölgələri faktiki olaraq “yaşayışsız” edib.
Sfera.az həmin ərazilərdən bəzilərini təqdim edir:
İlan adası (Ilha da Queimada Grande)
Braziliya sahillərində yerləşən bu ada dünyanın ən təhlükəli yerlərindən biri sayılır. Minlərlə zəhərli ilan səbəbindən hökumət tərəfindən giriş qadağan edilib.
Botsvana
Ölkənin bəzi səhra və bataqlıq əraziləri vəhşi təbiətə məxsusdur və daimi yaşayış üçün əlverişli deyil.
Sokotra adası
Yəmənə məxsus olan bu ada nadir bitki örtüyü ilə məşhurdur. Bəzi hissələri tamamilə yaşayışsızdır.
Pasxa adası
Çiliyə bağlı olan ada nəhəng daş heykəlləri ilə tanınır. Daxili hissəsinin böyük qismi məskunlaşmayıb.
Çernobıl kənarlaşdırma zonası
1986-cı ildə baş verən nüvə qəzasından sonra ərazi boşaldılıb. Radiasiya səbəbindən daimi yaşayış demək olar ki, mümkün deyil.
Qrinlandiyanın daxili hissəsi
Danimarka Krallığına bağlı olan Qrinlandiyanın böyük hissəsi qalın buz təbəqəsi ilə örtülüdür və burada həyat şərtləri olduqca sərtdir.
Kergelen adaları
Fransaya məxsus bu adalarda daimi əhali yoxdur, yalnız elmi ekspedisiyalar fəaliyyət göstərir.
Tristan-da-Kunya
Birləşmiş Krallığa bağlıdır və dünyanın ən təcrid olunmuş yaşayış məntəqələrindən sayılır. Ətraf ərazilərin çoxu boşdur.
Vrangel adası
Rusiyaya məxsus olan bu ada əsasən qütb ayıları ilə tanınır və daimi insan məskunlaşması yoxdur.
Buve adası
Norveçə məxsus olan bu ada dünyanın ən təcrid olunmuş nöqtələrindən biridir.
Mak-Merdö Quru dərələri
Antarktidada yerləşən bu ərazi planetin ən quraq və sərt iqlimli bölgələrindəndir. Şəraiti Marsla müqayisə olunur.
Surtsey adası
1963-cü ildə vulkan püskürməsi nəticəsində yaranıb. İslandiya tərəfindən ciddi şəkildə qorunur və giriş məhduddur.
Mənsumə
Sfera.az
